Monday, March 29, 2010

Maagang Responsibilidad


Ang sarap maging bata kasi wala kang iniintinding problema. Paglalaro maghapon ang ginagawa mo at kapag dumating na ang oras ng kainan tatawagin ka na lang ng iyong magulang para kumain.

Ngunit lahat tayo ay lumilipas sa pagiging bata, darating at darating ang araw na magkakaroon tayo ng responsibilidad. Habang tumatagal nadadagdagan ang mga bagay na dapat natin intindihin.

Ngunit nakakalungkot na may ilang kabataan na maagang nagkakaroon ng responsibilidad na hindi pa sana nila dapat maranasan.

Kahapon nung ilipat ko ang channel sa wowowee napanood ko ang wheel of fortune kung saan ang mga bida ay ang mga babaeng maagang nagkaroon ng responsibilidad (maagang nagkaanak).

Karamihan sa kanila sa gulang na 15 anyos ay nabuntis na. Sa panahong yun dapat sana ay nag aaral pa sila at ineenjoy ang pagiging teenager. Ngunit nilapitan sila kaagad ng "curiousity". Sa ganoong edad nagkakaisip ang isang dalaga/ binata tungkol sa pagiging isang tunay na babae/lalake. Hindi nila napigil ang sarili nila kaya nangyari yun. At dahil na naman kay sobrang pag-ibig nagagawa nila iyon. At minsan ang pangyayaring yun ay nagkakaroon na ng bunga.

Maraming nababago sa buhay natin kapag nagkaroon na tayo ng responsibilidad. May mga bagay tayo na dapat na isaalang alang. Hindi madali ang buhay ng may-asawa/anak. Kaya dapat bago ka gumawa ng isang desisyon isipin mo muna ng makailang ulit dahil may mga bagay na kapag nagawa mo na hindi na pwedeng ibalik pa sa dati. At kung nandoon ka na sa pangyayaring may responsibilidad ka na,aba dapat mo na itong harapin. Dahil walang ibang gamot sa pagiging duwag kundi ang kumbinsihin mo ang iyong sarili upang humarap sa katotohanan.

Sino nga ba naman ako para magsalita? Hindi natin alam kung ano ang tunay na kwento sa buhay ng mga taong dumaranas sa ganoong sitwasyon ngunit isa rin akong babae na nagmamalasakit sa lahat ng tao at
gustong ipaalala na ang buhay ay puno ng tukso/saya/lungkot at sakit. At tulad ng nasabi ko na noon lahat ng bagay may tamang panahon at oras. Hindi mo kailangan madaliin ang lahat. I enjoy mo ang iyong edad na tinatamasa ngayon.

Yun lang po at Salamat!!

( Iboto nyo po ako sa darating na eleksyon!)

hehehe etchos! feeling ko hindi ako mangiti sa sinabi ko, masyadong seryoso!. At ganoon ang buhay! hindi lahat dapat paglaruan. Minsan kinakailangan mo mag seryoso. ^_^

Friday, March 26, 2010

Ang tanong ng Bata..


Dalaga: Tingnan mo eto yung picture ng boyfriend ko. Pero diba nakita mo na sya noong birthday ni mama?
Bata: Mahal ka nya?
Dalaga: Oo
Bata: Mahal na mahal?
Dalaga: Oo naman ( kunot noo)
Bata: E nasan sya? Bakit ka nya iniwan?
Dalaga: (nagulat) E kasi nag wowork sya.
Bata: Bakit?
Dalaga: Para makaipon sya ng pera.

Yan ang isang nakakagulat at hindi kapanipaniwalang tanong ng isang bata na 5 y/o.
Kung maririnig mo sa una maiisip mo na luko luko talaga to kung ano ano tinatanong pero kung iisipin mo talaga may kabuluhan, may meaning.

Para sa isang 5 y/0 na bata nakakapagtakang magtatanong sya ng ganoong bagay. Bagay na hindi natin magawang itanong sa sarili natin. Dahil natatakot tayo na masagot ito sa kasagutang ayaw natin malaman.

Para sa isang bata ang kahulugan ng pag-ibig ay parang paglalaro nya sa kanyang paboritong manika. Na kapag nasira iiyak na lamang at magpapabili ng bagong mas maganda. Hindi nya alam kung ano ang mga bagay na isinasakripisyo pagdating sa pag-ibig. Hindi bulag ang isang bata para hindi makita ang sirang kanyang nagawa sa kanyang laruan.


Sa katanungan ng bata ipinapabatid na sa pag-ibig lahat ay may katanungan na masasagot kung gugustuhin mo ngunit sa katanungan lahat ay kailangan gamitan ng pang unawa. Dahil hindi lahat ng kasagutan ay tama at dapat paniwalaan.

Wednesday, March 24, 2010

I Miss you....


Haays..oo super mega duper I miss you!!
Tenen..ano to! drama ko ata..


Naramdaman nyo na ba na mamiss ang isang tao? Na yung taong yun super special sa buhay nyo. Ano pakiramdam?

May nakita akong quotes habang nag iinternet. Pero ang totoo naghanap talaga ako. ^_^

Heto yun..

"Why is it that when you miss someone so much your heart is ready to disintegrate, you hear the saddest song on the radio?" -Pete

Oo nga naman bakit nga ba? Nung mabasa ko ito napatanong din ako. Kasi naranasan ko ito at nararanasan pa rin hanggang ngayon. Kapag namimiss ko boyfriend ko pakiramdam ko sasabog puso ko. Pwede ka pala makaramdam nun. At saktong kapag nararamdaman mo yun bigla kang makakarinig ng nakakalungkot na kanta. Parang sinasadya noh. Pero ang totoo kaw pala yung nagpapatugtog mismo ng kantang naririnig mo.

Wala akong maisip na solusyon kung paano malalagpasan ang pagkamiss. Bakit nga ba lalapagsan mo yun e parte na ito ng buhay natin.

Sabi nga nila kapag namimiss mo yung isang tao mahalaga sya sa buhay mo. Maaring napapasaya ka nya kaya nakakaramdam ka ng ganon. At natural lang na maiyak ka.

Ang pag-iyak ay hindi lang dahil sa nasaktan ka o inapi. Bagkus paraan din ito para mailabas mo kung ano man ang nararamdaman mo.

Kapag namimiss mo sya mas lalo pang nadadagdagan yung pagmamahal mo sa kanya. Yung ang katotohanan.

At ngayon habang binabasa mo ito alam kong may naiisip ka.. Malalagpasan mo din yan, ganyan talaga ang buhay. Halo halong emosyon mararamdaman mo.^_^

Sunday, March 14, 2010

Move on




Aking inihahandog ang paksang ito sa mga taong hindi pa maka move on sa buhay at pag-ibig.

Bato bato sa langit ang tamaa'y magising.




Ang sarap magmahal at umibig pero ang pinaka mahirap sa lahat ay ang mag move on lalo na kung sobrang mahal na mahal mo yung tao. Lalo na kung marami na kayong napag daanan. At maraming alaala na ang na save sa iyong pag iisip.


Madaling sabihin ang salitang "mag move on na ako". Pero napaka hirap nitong gawin. Maglalabas ka muna ng sang katerbang luha, magiging emo ka muna ng maraming araw,linggo,buwan at kung minsan taon pa nga. Ganyan kahirap mag move on. Sana may gamot para makapag move on at kung meron man tyak marami ang bibili.

Bakit nga ba walang gamot para maka move on?

Dahil kung may gamot para dito lahat ng tao magtatangkang magmahal na walang iintindihing masasaktan dahil may gamot nga naman diba? At hindi rin tayo matututo sa anumang nagawa nating pagkakamali kung ito'y madali lang lunasan.

Ang pag move on ay isang bagong simula. Kung saan nalaman mo ang kamalian mo, kung ano ang hindi para sayo .


Kanina habang nag pepeysbuk ako sa aking orig. na peysbuk (may ganon pa talaga). May nakita akong quotes sa friend ng friend ko. In short itinag sya. Yun na yun.At heto nga yun.

Tama naman diba?Swaktong swakto. Pano ka makaka move on kung ganyan ang ginagawa mo. Lalo mo lang sinasaktan sarili mo.

Naaalala ko yung kaibigan ko. Kapag nasawi sya sa pag-ibig lagi nya ako itetext kahit gabi na magtetext yan. At tatanungin ako kung ano gagawin nya para maka move on.

Bilang kaibigan sinabi ko sa kanya ang mga paraan pero bingi e. Bingi sya kasi sarili lang nya pinapakinggan nya. Lahat ng hindi maka move on ganyan, aminin nyo!!!

Kahit anong sabihin ng kaibigan o magulang nyo,sarili at sarili nyong nararamdaman ang pinapakinggan nyo.

Kayo ang nasaktan, kayo ang gustong mag move on pwes kayo din ang umayos ng problema nyo.

Tandaan sarili nyo lang makakatulong para makapag move on. Kung gusto mo talaga makakaya mo. Kaming mga kaibigan/pamilya mo lang ang aalalay sayo. Kami lang yung 24 oras na magbabantay sayo pero ikaw sa sarili mo ang gagawa ng paraan para mahanap mo ang katahimikan ng iyong kalooban.


Lahat masasaktan, lahat pagdadaanan ang term na move on at sa lahat ng taong dadaan at dumadaan na sa ganong sitwasyon wag ka mag alala makakaya mo yan. ^_^

Friday, March 12, 2010

Contented




Mahilig ako sa quotes lalo na kapag tungkol sa love. Noong hindi pa ako nagkaka boyfriend ang naka save sa inbox ko ay puro quotes. Pero nung magka boyfriend na ako ang naging laman ng inbox ko ay puro text nya. Ganon pala yun, mahahalata mo kung single ang isang tao o taken na.hahaha.

At nung isang araw pinasahan ako ng quotes ng friend ko. Nagandahan ako sa quotes na yun. Heto yun....


" We don't need to explain how much we love a person. It depends on them how they appreciate the efforts that you did for them to be contented."



Napa agree talaga ako ng matindi.


Natanong nyo na ba minsan sa sarili nyo kung bakit hindi maging masaya sayo yung taong mahal mo. Ibinigay mo naman ang lahat pero wala pa rin e. Halos makalimutan mo na nga ang sarili mo para lang maibigay yung inaakala mong makakapagpasaya sa kanya. Imbes na ibigay mo ng ibigay ang lahat tanungin mo sya kung ano ang gusto nya. At tanungin mo rin sa sarili mo kung may kakayahan bang makuntento yung taong yun.

Dahil kung hindi talaga tanggap ng isang tao kung ano lang yung maibibigay mo hindi talaga sya magiging masaya sa binibigay mo. Kahit mag todo effort ka pero iba pala yung hinahanap nya balewala din.


Ang kasagutan lang sa pagiging masaya ang ang pagiging kuntento. Kung makukuntento tayo sa binibigay ng isang tao mararamdaman mo ang kaligayahan. Huwag ka maghangad ng sobrang taas dahil minsan dahil sa sobrang taas hindi mo makuha kaya hindi ka tuloy maging masaya.

Tanggapin natin kung ano lang yung kayang nyang ibigay lalo na kung binigay na nya ang best nya. Tulad ng palagi ko sinasabi hindi tayo perpekto at hindi lahat ng gusto natin ay nasa isang tao lang. Maaaring yung isang katangian ay nasa isa at yung isa naman ay nandun sa isa pang tao. Hindi mo yun mapagsasama sama. Kaya nga diba kapag nagmahal ka hindi mo kailangan mahalin yung gusto mo lang mahalin na katangian nya dahil buo syang tao kaya dapat mahalin mo kung ano ang kapurihan at kapintasan nya.



"Mas masaya kung pareho nyong mahal at tanggap ang naibibigay ng bawat isa."

Wednesday, March 3, 2010

Happy Monthsary!!



" Nagpapasalamat ako na isang panibagong buwan na naman ang nalagpasan natin sa kabila ng mga pagsubok na pinagdaanan natin."



Mga kumare at kumpare akin tong kwento.
Oo may boyfriend ako, hindi kayo naniniwala? E heto nga't monthsary namin ngayon. ^_^ Inggit kayo?hahaha.. Break na kami kapag nalaman nyang kami pala.hahaha ( etchos).

Pero sa maniwala kayo o sa hindi totoong monthsary namin. Hindi ko lolo at lola yang nasa picture, kami yan.


Gumawa ako ng presentation sa powerpoint at yun ang ini e mail ko sa kanya para naman ma surprise sya. Yang picture na yan gawa ko, pambata ba? oi pinaghirapan ko yan noh.


Sa totoo lang hindi sya nag cecelebrate ng monthsary. Sabi nya sa akin mas gusto nya i celebrate ang anniversary. Mas mahalaga yun para sa kanya pero mapilit ako pinag cecelebrate ko pa rin yun.

Bakit?

Dahil para sa akin yung malagpasan nyo pa lang ang isang buwan isang napakasaya nang pangyayari. Lalo pa at malayo kami ngayon sa isa't isa. Nasa Saudi sya ngayon at doon nagtatrabaho.


Kabilang ako sa long distance relationship, mahirap din at sinasanay ko na sarili ko. Actually dapat nga sanay na ako kasi almost 1 year na kaming ganito. Mahaba ang kwento ng aming pag -iibigan (naks) at parang pang fairytale. Pero hindi ko na ikkwento pwera na lang kung mapilit kayo (etchos).


Ang pinagpapasalamat ko na lang na kahit malayo kami sa isa't isa nandoon pa rin yung tiwala sa isa't isa saka yung love kaya hanggang ngayon heto pa rin kami at sana magtagal pa. Dahil sa totoo lang mahal na mahal ko sya. At kahit ano pa sabihin ng mga tao wapakels. Hindi naman sila yung sasaya sa pagpili ko kung sino ang mamahalin ko kundi ako. At ako, masaya sa kanya. masayang masaya!! ^_^

Tuesday, March 2, 2010

Mga dahilan

Sa nakaraan kong post nabanggit ko ang ilan sa mga posibleng dahilan kung bakit single pa ang mga tao ngayon.

At ngayon nais kong ipaliwanag ang mga nasabi kong dahilan.


Ilan sa mga dahilan kung bakit sila single:

1. Hindi ka biniyayaan ng mukhang White Lady! ( Dark Lady lang)

Ang iba sa atin kaya hindi magkaroon ng lovelife dahil sa panlabas na anyo. Ang mundong ginagalawan natin ay mapang husga. Kung ano makita nila sa panlabas na anyo yun din ang inaakala nila na pagkatao ng isang tao.
May ilan na biniyayaan ng magandang mukha ngunit may ilan naman na sawing palad. Kaya hayun wala tuloy love life.

Note: Hindi naman lahat ng hindi maganda ang mukha ay walang love life,may ilan pa rin na meron ,yun nga lang iba na talaga kung maganda ka.


2. Bantay sarado ang magulang mo, bonus pa dyan kapag may mga siga kang kapatid.

Istrikto ang magulang pagdating sa pag bbf/pag ggf ng anak. Akala nila kapag nag bf/gf na ang anak ay mag aasawa na kaya todo bantay sila lalo na kung may kuya ka.

Note: Hindi masama na maghigpit sa mga anak pagdating sa pag ibig pero sana maging maintindihin din ang mga magulang. Huwag naman masyadong amging istrikto.


3. Pa busy kuno, walang time sa love at inaasikaso ang pag aaral. Kailangan manguna sa klase.

Linya ng mga nag bibisibisihan. Serious type ba. Sila yung mga taong ang oras lang ay nakalaan sa pag aaral at trabaho.


4. Sobra suplado/ suplada kaya ayan ang napala walang makatagal.

Mga taong matingnan pa lang galit na. Parang mga kontrabida kung makairap kaya hayan tuloy walang makalapit na manliligaw.


5. Super chusi!!!

Mga taong naghahanap yata ng perpektong tao. May manliligaw na gwapo,maputi,mabait pero ayaw pa din kasi daw pandak. Meron namang mayaman, matalino, mabait pero ayaw pa din kasi boring kasama. Ano ba talaga sister? Sa kakapili wala tuloy makita.


6. Sobra takot na magmahal.

Dahil sa nakaraang karanasan masyado ng natakot, na trauma. Ayaw na ulit masaktan kaya ayaw na rin magmahal. Akala yata lahat ng dadaang pag ibig sa kanya ay puro sakit na lang.


7. Hinihintay pa si Mr./Ms. Right.

Naniniwala tayo sa destiny/ soulmate kaya tayo naman talagang naghihintay sa pagdating nito. Sino ba talaga yung tamang babae/lalake? Bakit ba may ganon pa? Kaya ang iba sobrang naniniwala dahilan upang makaiwanan na ng panahon.



Ang masasabi ko lang kailangan lang natin ng tiwala sa sarili natin. Tiwala na may taong magmamahal sa atin. Na kahit ano o sino ka pa mamahalin ka nya ng buong buo at totoo.